28 верасня прайшоў вясёлы ўрок "Мы першакласнікамі сталі". Гэта ўрок пасвячэння ў першакласнікі. У школьную сям'ю прынята новае папаўненне - 6 першакласнікаў. Месяц таму яны прыйшлі ў школу, не ведаючы яе правілаў і законаў. На працягу ўсяго ўрока вучні дапамагалі Бураціна прайсці выпрабаванні, каб стаць сапраўднымі вучнямі. Усе заданні выканалі паспяхова, у гульні пагулялі, загадкі адгадалі і задачы рашылі. Ва ўрачыстай абстаноўцы атрымалі медалі «Я - першакласнік». Малайцы! Удачы ў вялікім пазнанні навук, свету, жыцця!